回主頁

大撞咗，點算

係呢度我唔會叫你打幾號電話嗌拖車或要做啲乜咁，但係想分享吓，究竟如果大吉利事撞咗架Coupe可以有乜嘢唸吓呢?

通常撞完車，都係晚晚瞓唔着，又行又企都喺度唸緊究竟點解。想當年撞咗架致愛嘅205GTi時，唸咗好多好多嘢....

一次嘅撞車其實牽涉到好大的思考空間。包括意外分析、未來投資策略、資源調配、網絡安排、生活影响。

好喇，唸咗好多嘢喇，假設整返要$50,000，咁架車究竟整定唔整? 一齊試吓用以上幾點去唸唸。

如果想繼續揸Coupe，點呢?

(情况一) 架車只值五萬，整返等如買過架。可以以分期付款方式去唸。$50000整好，如果用三年攤還，即係整返再揸三年，其實即係每個月比多$1389，唔算太多呀。如果好鐘意架車，唸住揸多幾年添，咁每個月比多$1389，都可以講得通。起碼三年後賣咗佢仲有錢可以收翻。但先決條件必須有幾皮嘢係手先有得傾，仲要用心機和時間去找零件和找人整 非常麻煩。但付出自己能力保護絕種動物，此舉非常令人佩服。 (情况二) 如果唸住整返然後賣咗去佢，再買過架Coupe。如果整得唔好無人會買。如果整得好，除非檻平檻踐，如果唔係睇怕都要成年先賣得出。這樣，整車費用影响會較大，一樣要有幾皮嘢係手先有得傾。同上一列嘅情况差唔多，但因為想繼續揸Coupe，所以賣咗後再買翻，所以同樣以三年去計算。$50000整好，$30000賣，用$50000買過架Coupe，$1000轉名，$5000燕梳，每個月要$2111。當中牽涉到賣走架撞過嘅車嘅冷面，又要擔心第二架Coupe狀况好唔好、有冇得賣、幾時先買得返、幾時先賣得出、轉名牌費燕梳一大堆煩惱。如果要好似(情况一)差唔多嘅開支，賣車價仲必須等如第二架Coupe嘅售價添。 (情况三) 即刻劏咗去，唔駛煩一筆勾銷。然後四出找尋買第二架Coupe。一個字 - 豪! 只要有幾皮嘢係手就得。再買過架$50000 Coupe，$1000轉名，$5000燕梳，揸三年，其實即係(情况一)每個月比多$1556。比(情况二) 少咗啲煩惱，仲唔駛每個月比咁多。當年全港只賣咗廿二架Coupe，車已經停產，劏一架，少一架。很可惜。 (情况四) 拆件劏咗去，然後再去買第二架Coupe。揾班Coupe兄弟研究吓，睇吓有邊個想要邊一件零件，假設$1000一份，成架車咁多零件，頭尾冚、門、天窗、車機、引擎、波箱、軚鈴避震、頭尾擔、內籠等，睇吓撞到有幾大獲，至少都套到萬幾蚊。不過睇你有幾多Coupe兄弟肯咁樣keep住啲件啦。同(情况三) 差不多，拆件劏到$10000，買過架Coupe要$50000 ，$1000轉名，$5000燕梳，揸三年，其實即係每個月比多$1277。

如果唔想繼續揸Coupe，又點呢?

似乎(情况三)係最好，一了百了。所有嘢再由頭計過，可以試吓買新車。 好啦<買新車>嘅文章已經寫好

結論

由以上分析可以見到如果撞咗架Coupe要整$50000，就須要找個方法增加每個月$2000收入去平衡翻開支。

你話，如果以一個打工仔來說，每個月要揾多二千蚊去應付生命中的不尋常，係幾咁有啟發性呢。

似乎，呢一個二手車價決定了大撞維修費嘅上限。