快意研究所的目的是希望從這空間開始，可向大家分享市場上選擇眾多產品的小小心得。
無錯！購買呢個裝置完全因為屎忽痕。一個$2000嘅實驗，Hot InaZma Hyper，應算是市場上上乘的裝置。呢件嘢嘅目的係提升全區轉數的引擊出力。據盒上說明指出裝着之效果： - 燃費向上？照度之安定和向上、乜鬼之輕減、電裝品負荷輕減、乜鬼嘢壽命延長！
接駁主要係正負極接上電池，拉多三條地線去引擎、波箱和發電機座上。
因為市場上、雜誌呀、人人都話得，我就偏唔信。
今次會先放上小金車上用，因MX-5電池放尾箱，地線不能接到引擎、波箱和發電機座上，不知會否受影响？
MX-5測試結果：我覺得有引擎輸出有10%增長，耗油量就有待下回分解。 但大家要留意，小金車係只改尾鼓嘅1600cc自然吸氣棍波車。究竟大cc反應好啲定細cc效果顯注啲呢？turbo唔turbo有無 負極分別呢？
呢舊嘢原來叫做Hyper Voltage System, 係由間叫Sun Automobile嘅公司開發，係2003東京車展中首次推出。原理就是確保引擎、波箱和所有電器都得到理想的負極，避免了電壓波動而已。
那麽，組件內的電容應該是提供一個反應快的負極，永遠保持在0V的電壓。而那不同級數的HVS，又分乜鬼低轉、中轉和全區域轉數的HVS，應該是由不同大小Farad的電容配合，而全區域轉數的HVS就是回電頻率最快的一種。
由此推算1.在新車上應沒什麽大作用。2.舊車效果最好。3.音响多的車相信亦大幫助。4.引擎氣缸愈多效果應該愈好。
疑團：我懷疑此電子裝置會影响儀錶板顯示或讀數，裝上後多加留意。
有此線路可，大家可以做吓實驗。
死氣蕉
一件好想好想擁有的改裝部品。要知道要提升引擎表現，呼吸是最關鍵！吸氣有個普通K&N頂住檔，而未改Intercooler之前，今次先試整整個呼氣系統。
排氣系統有分蕉、中、尾。蕉 - 即引擎的燃燒室死氣管導出至turbo前；經turbo出頭批連接催化器；中喉 - 即由催化器開始至尾鼓；尾 - 即尾鼓。
簡單說，如果呼氣順暢，引擎整體表現可以上升。
要呼氣順暢 ：~
1. 死氣蕉掙口和燃燒室死氣管導出口要對位 ，細心對正位才安裝
2. 死氣蕉無干擾，等長度死氣蕉减少波動干擾，不銹鋼通減內阻
3. 頭批無亂流，撓曲轉彎頭批要有好工具和技術令內彎無摺紋
4. 催化器要流暢，用高流量催化器或確保催化器無塌下的honeycomb催化物
5. 中喉要少彎位和用適當直徑
6. 尾鼓要有滅聲能力，不可澎澎聲無禮貌
有咗以上要求，就想提升自己架Coupe嘅實力。
在Force Induction Performance Tuning一書中記載
每汽缸500cc 四出一死氣蕉用原廠凸輪軸每條批最理想外圍直徑係1.375in(41.3mm) - 1.75in(44.5mm)
供直四渦輪引擎用的死氣蕉，每條批最理想長度為20in(508mm) ± 4in(102mm)。
去到中尾喉，兩公升引擎最好用2.75in(69.9mm) - 3in(76.2mm)直徑喉通。
SuperSprint蕉要GBP900？！太貴啦，所以今次快意研究所打算找隱世鐵匠打造一套16v turbo專用死氣蕉，希望提升整體turbo反應表現和終極輸出，為此快意孖cam引擎之父Lampredi致敬。心中有兩個死氣喉隱世鐵匠：威迅排氣工程和彩虹排氣工程。將會和他們傾傾開發費用。
而SuperSprint中尾喉係約GBP260，價錢算合理和有保証，如果換中尾喉，我會𢵧翻SuperSprint。
有幸與一位車手研究換蕉行動。他的建議是:"如沒有改電腦，唔好改蕉。唔改電腦，應換中尾喉和頭批。"
咁我會試找鐵匠打造頭批和用SuperSprint中尾喉。
找TW Auto問價：813112代催化頭批$1800，813113中喉$2000，813104尾鼓$3600！共$7400加$1500裝工！
L-M報價報價： 16v turbo 813112代催化頭批GBP82，813113中喉GBP94，813104尾鼓GBP220。
20v turbo 814102代催化頭批GBP110，814113中喉GBP92，814104尾鼓GBP224。
加多約HKD1200運費和HKD800裝工，同13.6對換率，16v turbo 要$7400 ， 20v turbo 要$7800。
頂巴
買它的目的一來是貪得意，想試吓點解人人都話頂巴好好，可以車架硬啲入彎反應好之類
的坊間傳說云云。我就唔多信碌咁嘅鐵通可以有幾大改善。理倫上須然是正確，兩個塔頂位如果可以固定，便可以防止在入彎時，搖臂向上壓縮彈弓而令塔頂變形，的確是可以令入彎反應加快。我就想試試佢。如果此加裝頂巴行為正確的話，我以後也會用呢個方法去調校。
第二個原因就是我的Coupe已經用緊RE-01和Bilstein避震加Eibach彈弓，應該已經係城市快跑的最適合配搭。在日常使用中已經好啱我。但大帽山行走時，二波急彎傾側得很厲害；又在連環左右彎時，車的反應很慢。入彎時車身側了，要等車身回中才側向另一邊，這動作令連環彎的流暢度快不得。
現在大彎做得好了，好想連環彎也游曳一些，所以好想搞搞。遺憾的是唔捨得用$6500買Eibach 防傾桿！於是平平地試吓頂巴效果。
今次測試找來Momo Strut Brace。 在RallyNuts.com上購買，碌鐵$700但運費$800，一星期有貨。如果係英國買，要加17.5%銷售稅；一係加當地運費，一係自己揸車去攞；雖然唔重 ，約1.5kg, 但 '長奶奶' 搭飛機都要加錢；倒不如寫隻字去RallyNuts.com，付付鈔，一星期送到門口。
好易裝，需時20分鐘。
咁點解有Sparco，OMP，乜乜物物唔揀而揀Momo呢。因我信Momo係最理想的。要試，梗係用最好架啦。
測試結果：
首500km：覺得車頭傾側少了，反應快了。但呢幾天天雨路滑，不便催谷。係大帽上一些二波彎，入彎的確受力多咗，褲袋個銀包"哽"到籮友痛！但我覺得架車好似推頭多咗。不好的感覺，要待好天再試。
再行多500km：好勁呀！呢幾日天氣好好，即刻走上山測試，個操控好咗好多。提高彎中速度，減少車身傾側，軚的反應快了，重覺得平時行車也穩定了。以前幾日覺得的推頭感覺原來是多餘的，只要肯比信心入彎就得。
兩點的連結應該較單點實淨，至少可减少左右塔頂前後移動的距離。
中間長度可調校，可減少縲絲間虛位，確保塔頂穩定。又唔駛驚生產誤差令頂巴裝唔落。
Momo的Coupe頂巴絕對值得推介。
其他頂巴的分別
有些設計為方便安裝，又可提供一些補強，所以會使用單點式設計 - 意思即是每邊塔頂上一粒縲絲。
補強還補強，開飯最緊要。如果改裝公司整條超無敵頂巴，好鬼難裝，要拆嘢要改位、換火咀、入迫力油又要拆番，嗰條頂巴一定無人買啦。好啦，設計時遷就吓啦，改呢度改嗰度，改到同第二間公司的頂巴設計一樣，又驚人地話佢抄。所以沒有一間公司會有最好的東西可供應每一款車。選擇頂巴時要留意其設計和生產商口碑。
 |
 |
 |
|
| 單點式 - 對塔頂前後移動的抗力較少，強化度較一般 | 雙桿單點式 - 刻意加多一條桿加強抗阻頂前後的移動，強化度未算最強 |
 |
 |
| 鋁合金 - 令立立，好睇啲，頂多輕一磅半磅，貴一倍就唔值。鋁係輕過鐵，但要有鐵咁硬就要粗好多，所以咁大碌。 | 上圖左右兩支為環式 - 穩固之餘又少物料，強化度最好 |
 |
 |
| 穿pin式 - 先上咗塔頂個圈，再放條巴用穿pin縲絲上住，呢種係強化度最弱嘅頂巴。只係方便裝拆。 | |
 |
|
|
兩點、單桿、中間可調校、鐵 呢四種喺最理想的頂巴要求，夠強又夠平。 |
|
SuperSprint 死氣喉
|
|
||||
|
|
||||
|
|
||||
|
|
||||
|
|
|||||
