地點：將會在九龍城舊機場側的飛行學會，近宋皇臺停直升機嗰度呢。2008年 今年的聚會
今年差不多個個月都攪D野, 卒之去到年尾先黎做記錄.
12月20日, 攪聖誕派對, 年年都有架啦, 交換下禮物, 開開心心咁去年尾.
今次,
決定去北角嘉華國際中心樓下酒吧, 我地包場, $200 一位, 每人準備一份$100禮物交換.
食物係有人燒BBQ, 牛呀, 豬呀, 雞中翼, 肉醬意粉, 乜鬼布丁, 預左多到食唔晒. 30人,
60支啤酒, 兩支紅酒白酒, 任隊汽水.
11月28日, 集資送出獎學金, 作為對年青學生對汽車熱誠投入的一種鼓勵.
10月19日, 去左舊機埸玩車隊自拍. 幾十架快意出籠, 又有新Fiat 500同Doblo試駕, 仲係十二月車主雜誌刊出活動.
8月2日, 一年一度會慶. 去左黃金海岸遊艇會自助餐一下.
3月23日, 車王舉辦小型賽車比賽
2月10日, 鼠年開年飯. 屯門明星酒家, 人人有好意頭, 總之食完之後老闆就接單接到年尾, 打工嘅橫財就手, 做阿爸嘅福祿兼收, 男嘅發, 女嘅索, 架車無份食都要健健康康, 龍精虎猛。
2007年
八月August
Concorso d'Eleganza 攝影比賽
比大家用兩個月時間影相
八月五號舉行
條件好簡單，只要有架Fiat , Alfa 或 Lancia在相中就可以,
以演繹出民用意大利車的優雅而跳脫為主
參加資格: 每位意大利車迷
每位參加者也 有紀念品
頭獎: 未決定
二獎: 未唸到
三獎: 未揾到
四獎: 比三獎少
五獎: 唔獎
六獎: 水一杯
七獎: 淨水
..
..
.
.
如此類推
比賽將會將相片展出, 最多三張參賽相片，自行將作品晒4R
以不記名方式展出, 每人也可比分, 也邀請嘉賓參予比分, 加分總和最高者勝
相片softcopy 將由快意俱樂部擁有
2004年
六月June
六月二十七日星期日將會搞個講座。內容關於如何保養我們的快意，令大家可以減低對保養意大利車的疑慮，輕輕鬆鬆咁享受意大利樂趣。
地點：將會在九龍城舊機場側的飛行學會，近宋皇臺停直升機嗰度呢。
時間：早上11:00-1:00pm
連午膳套餐，約$90
預算25人，如出席請留言比我
以前都搞過差不多的聚會，初初有Coupe和Elise嘅欣賞，之後有駕駛技巧，跟住有避免跪低的保養。停咗一年無搞嚟寫網頁，今年識多了揸快意的人，睇嚟又喺時候在班房聚一聚，交流流一番。
一個新組織http://www.italtrade.com喺今個月搞意大利節，嚟得突然得濟添。
不如月尾搞個遊行啦。
五月May
十六日約大家去Gary屋企，一齊拆個中央台馬鞍出嚟，整返靚仔噴返黑佢。今個星期日早上九點於大尾督集合。食早餐到10:00然後去大埔小白露餐廳側Gary度，DIY呢樣嗰樣直至四五點。幾時參與都得。到時會DIY中央台，各人自備雙星模型噴油(我會用啞黑色TS6)和噴筆地，同埋一支稀釋劑。
四月April
呢日緊要啦！目的係四月敘會：今次去白石BBQ。
約喺九龍灣展貿等。有十四車一齊起步，一架MX-5, 一架Ulysse,四架Punto和八架Coupe。
一大串車龍經大老山入西沙方向的白石燒烤場，成條隧道都係快意，場面何奇壯觀。白石泊車位大把，容得下一大堆快意排埋一齊，好團結的感覺。
BBQ約$100一個，5點燒到9點半。又認到新Punto朋友：Rex (蝦佬), Mike(黑鐵), Carey (蝦佬3)。去到尾總共有一架MX-5, 一架Ulysse,六架Punto和十架Coupe，載住34人！
以為9點幾收隊啦，無乜大嘢玩，點知 ~ 接到網友Raymond一個改變一晚重點的電話。約了去看看架Lancia啦，咁又拉隊去棘。一看Raymond是個更具心力和雄厚實力的人，他~翻新了一架Lancia Delta Integrale，一代意大利車皇。令人震撼的是那新淨程度媲美新車。突然我們就像小孩子般在車展陪爸媽買車，扭住偈坐司機位，仲唔肯落車死攬住軚盤唔放。我們一班努力復修自己架快意的人也目定口呆。對我影响最大就是這Integrale係一個成功復修意大利車成功的印証。
之後我地又一隊車隊去深水埗糖水佬，甜蜜蜜地完滿了這一次聚會。
三月March
今日敍會的行程就如像港島大遊行。八點在中環港外線碼頭集合，嘩！有十四車到場：兩架MX-5，未嚐一見Punto二代 Arvin和 快意運輸車Simon，再加Coupe和Punto，有成廿人。用東廊經石澳回旋處向舂坎角懸崖出發。九點抵達目的地，因為非常難有位置可免費泊十幾架車，於是女朋友準備了一些三文治，讓大家就在那兒開餐。以後都可以用呢種方法食早餐，有郊遊野餐感。
因為十四架車質咗入舂坎角停車位，唔夠位掉頭，加上Coupe的超大回旋直徑，大家用了十五分鐘掉頭才能一齊離開。
再沿海邊西行去摩星嶺，之後去了南華會食飯。港島一日遊。
今次發現了原來大家很有興趣八點的聚會。
二月February
今天吃個開年飯，出動了中英美法德日意俄八國聯軍，有Alfa 156，Jaguar XJR，Renault Clio，3架Punto和5架Coupe。先去流浮山遊吓，原來帶住咁多車出入，就好似揸住架拖頭拖住一公里長嘅拖架，所有改變方向和車速也要柔和和清𥇦。但實在很難很難。帶住10架車沿龍翔道屯門公路行50公里，只係過咗兩支燈，但只係兩三個無路牌嘅分义就可以走失。結果爬咗成五六百架車頭，走失咗兩架車。因為又落雨又有走失，日落睇唔到，唯有早早便食飯。之後落腳於祺順祥酒家食餐海鮮宴，二十五人，蝦、魚、蠔、貝、飯之類加精製甜品，都係$2700。大家開心。之後又出紅磡，去我舅父舅母在家維邨側開的滋味屋涼茶鋪。快意敍會，風雨不改，真令人感動
一月January
朝雲暮雨的一早，七點準時到舊機場集合。春雨綿綿，擔心會無乜人到，點知見到一車又一車咁到達，起步時已有十車。仲有未曾一見的六速Joey-Punto
55，新車手阿明，好少出嚟嘅Patirck，原班人馬依舊Dick，Kevin，Ben，細威，Bobby，Rikki。沿住太子道
西行轉入彌敦道，目的就是招搖過市，找人注目。八點到了尖沙咀文化中心外歇一歇，再經獅子山隧道入大尾督。之後 Gary, Elvin,
買過三架Coupe的Michael加入，足足有十三車。食完早餐時天氣已好轉，影吓相，又再入新娘潭傾計。十一點收隊。
九月September/十月October
意大利節: 享受優質生活品味
好想可以好似法拉利、瑪莎拉蒂咁參加這個一年一度的意大利節。讓大家意大利車車主有一個一年一度的目標，可以一整年付出心血為一個節日去享受、去慶祝。新車也好、舊車也好，養一架意大利車就是一件驕傲的事。如果能一年有一個節日去展示這份驕傲，是何等樂趣。
好想好想，有一天見到舊舊的 Coupe、X1/9、 131 、 500 和 新的舊的走在一起，時光倒流一番。
我們一起努力吧，今年參加不了，便向下一年準備。總有這一天的。