Cam帶，亦即是時帶，又即係鬼文之Timing Belt.
圖中黃色的Cam帶是的單向受力牙帶，用來帶動盤頭凸輪軸(cam shaft)和大盤的曲軸(crankshaft)，令彼此同步轉動帶動生、死氣嘩佬可以和活塞配合往複式活動。
圖中綠色的壓轆 (Tensioner)是用來將cam帶以正確壓力壓住，令cam帶不會因轉動時的離心力而鬆開導致跳牙，又不會大緊而令啤呤响或提早老化損蝕。
圖中紅色的平衡帶(balancer shaft drive belt)是用來帶動兩條平衡軸，令其和曲軸同步轉動來抵消四氣缸引擎產生的先天性失衡的諧震。
圖中藍色的壓轆 (Tensioner)是用來將平衡帶以正確力度拉住，令平衡帶不會因轉動時的離心力而鬆開導致跳牙，又不會大緊而令啤呤响或提早老化損蝕。
這兩條帶和兩個啤呤的狀況很重要：雖然廠話100,000 km先要換，但意大利佬的悠閒叫我十分謹慎，Cam帶，水泵，所有皮帶和襯轆，任何一樣卡住，會連累斷cam帶，因後果可以嚴重，我建議如果常用車50,000km換cam帶，或如果少用車3年也要換。
嚴重的斷cam帶可令活塞撞斷嘩佬，斷咗嘅嘩佬打爛氣缸套，卡住活塞令連桿折斷。簡單啲，即係斷cam帶後果會好貴，必須事前更換。
普通的是cam帶跳牙，熄車之後難著或甚至著唔翻。
我主張一次過換晒佢，講梗係易啦。20v turbo以來計, 換 cam帶、水泵、壓轆、啤呤，必要拆下引擎，先夠位出，動輒過萬手術費，很易令人卻步。
大家也要知道換cam帶並不只代表單單更換一條時帶，而是代表着一個定期保養的行為。
整套工序，更換的維修中心必定要可靠、必定是換新零件、維修中心有適當鎖住相關引擎的camshaft的工具和對正時的知識。
問題來了
如果你打算買架意大利二手車時，你問上手車主有無換cam帶，你估佢會點答?
有有有!!!
縱使比着我，托塔我都話有啦。上落幾千銀架！試想...只要你信有，值成皮野喎！莫講話托塔，三個鐘嘅故仔我都可以作呀。
我勸龥大家意大利車迷，除非有可靠單據作證，否則預算打本換cam帶啦。
以Fiat 16v turbo 引擎為例
1號 - 壓轆 7597641
16號 - 平衡帶 7614999
5號 - cam 帶 7774591
8號 - 壓轆 5997325