選擇汽車
市場上車款很多，揭背小車，三箱式，旅行車，七人車，等等 ，車款選擇純緒因為載人或貨量。但同一個車殼又有好多引擎配搭，究竟應該點樣選擇一架適合你用嘅引擎呢？
這視乎你的載人載貨需要用途。有心理準備去選擇，就不會買錯車
先先要說，令引擎推動物件需要扭力，不是馬力。
引擎的工作原理令自然吸氣的1000cc大約有100Nm的扭力，而渦輪增壓引擎大約有1.4倍自然吸氣引擎的輸出，這數值稱為Turbo factor。 即是，一副2000cc turbo引擎，輸出就等如一副2800cc自然吸氣。而引擎氣缸容積大就扭力大。
Fiat Coupe 16v turbo有最大扭力係295Nm，而車重1300kg，每噸扭力(Specific Torque) 227Nm/ton。每噸扭力愈大，駕駛就愈輕鬆。
什麼為之駕駛輕鬆？油門反應快、踩油少少已有加速感、載得人多也沒大影嚮表現，就是輕鬆。 又例如行屯門公路有暗斜，上上落落。如果引擎有力，你可以不需要大幅踩油，架車已可以輕輕鬆鬆上暗斜。
通常頂級型號的車會配大氣缸容積的引擎，搭載設備可以更多，車價亦就愈貴。
相信你亦會開始發覺一個簡單道理，愈俾得多錢，架車愈好揸。
每噸扭力
以下有一個圖表，係隨機抽了24款車，計了它們的每噸扭力和0-100km/hr所需時間來比較。
不錯，0-100km/hr不獨是因為最大扭力，要那扭力分佈在整個引擎轉數區域上，波牙配搭，輪呔直徑大小，等。但以原裝車來看，相差無幾。
你又可能會覺得0-100km/hr所需時間對你並不重要，但你可以把它看成駕駛輕鬆指數。數字愈大，駕駛愈辛苦沒趣；數字愈小，駕駛愈有趣起勁。
留意的是，這相對表現並不線性！要突破0-100km/hr的4秒關口非常困難，而每噸扭力愈减少，0-100km/hr所需時間會大大延長。
不同引擎容積
660cc turbo
引擎的輸出很低，扭力非常少，大約85Nm。一架660cc嘅小車，車重約860kg。引擎輸出僅僅夠推郁自己，130磅(60kg)司機嘅體重差唔多係車重十份一。駕駛時，每噸扭力92Nm/ton，唔好唸住加速得快0-100km/hr差唔多須要17秒。而每一個60kg乘客，會增加6.5%嘅引擎和車架負擔。
假設，揸住一架泡妞K-car 660cc turbo四門小車，一男三女，個個囡囡都係100磅(45kg)，共195kg。每噸扭力會下跌至80.6Nm/ton。就千祺唔好唸住可以逢車過車，更加唔好唸住停得好似平時咁快。
配搭這引擎的車的必定輕，令停車起步要很少動力，係所有車中最慳油，最適合一個人於市區駕駛返放工。
原本唸住慳油，所以買660cc turbo。但如用之不得其法，又要載得囡囡多，或要成日90-100km/hr跑公路，又要加大包圍、大樓梯、頂架、後級、大喇叭... 結果，引擎負荷大了，耗油量便直綫上升超出預算，不再慳油。
1500cc
啱啱喺第一層牌費內最大cc，橫掂都係$3000牌費，揀引擎梗係有咁大得咁大啦，啲牌費抵用啲呀嘛。但事實上，很少車會喺啱啱1500cc。1500cc級嘅車，一般為民用型，最好配搭三門揭背或四門房車殼。車身重量約1050kg。1500cc引擎大約有140Nm扭力，引擎輸出大了，就可以輕鬆啲咁揸車。呢個以前揸660cc嘅130磅(60kg)司機，肚腩隨年月升級，家吓已經150磅(68kg)。今次駕駛時，引擎可付出每噸扭力125Nm/ton。香港的車普遍都配自動波，因為自動波箱係由油壓推動轉波，會失去啲動力，0-100km/hr多數14秒。而兩個人會令每噸扭力降至118Nm/ton。僅僅夠用，無謂荷求。
呢種車可以舒適地坐，又有位放大件物件，係公路、市內交通經濟效益最大的私人交通工具。如果每日要揸車返放工，假日載一兩朋友，呢種40%時間載人和60%時間作個人移動，就可以達到經濟和多用途之兩全其美。
因為呢種車喺以慳油和多功能為主，所以重量和空間必須僅慎處理，尾箱的雜物必須清除。唔好孭住啲洗車打臘和吸塵工具四圍去啦。
1501cc-2500cc
呢一個級別係最多元化。引擎可作多方向調校，可以偏向慳油低轉好力；又可以調向寧靜穩定；又可調校令它瘋狂高轉澎湃好飛。但引擎物理始終不變：1000cc大約有100Nm的扭力。而2000cc引擎就最多，一般調校可以有200Nm。就以Alfa Romeo 147 selespeed和156JTS selespeed為例，同樣直列四汽缸1970cc，147就只有185Nm而有更多引擎科技的156 JTS就有213Nm。又以Jaguar X-type 2.1 為例，以它的2099cc直V型六汽缸設計，扭力較為一般但極度穩定寧靜。這些就是不同目標的調校，令引擎輸出有少少分別。
返回正題。1501cc-2500cc級別的車重大約可分兩類：2000cc以下：1100kg-1300kg和2000cc以上：1300kg-1500kg。
2000cc以下級別房車，因為車較重而偏向1300kg，結果大部份房車有大約149Nm/ton的IS200、Galant VR-G, 0-100km/hr要11秒。每一個60kg乘客會等於車架的4.4%，每噸扭力只會下跌至142Nm/ton。輕鬆有餘，爆炸不足。而有少少跑格的車，引擎調極有個限度，所以工程師一定唸計令架車輕啲，較偏向1100kg；所以那些跑格車可以有156Nm/ton。而0-100km/hr可達到八點幾秒。偏向極端的例子Lotus Elise 111s：車只有757kg，1800cc引擎有175Nm，加司機即是213Nm/ton，令0-100km/hr只需5.1秒！它比911 Carrera 4S輕一半，引擎又係911 Carrera 4S的一半，0-100km/hr 911 Carrera 4S還要用6.4秒呢。
但是細cc加車輕便是否最理想交通工具呢？試看，如Elise加搭載60kg友人，每噸扭力就會下跌至199Nm/ton，即是6.5%負累。而在同樣情况那911 4S又如何呢？只有3.8%下跌。結論就是，大cc引擎在高負載(上斜)或大風阻(160km/hr以上)的情况下，引擎輸出會很一致，上山直路所向披糜。
但特別的是，配搭細cc的turbo引擎，例如Punto GT, 它的1372cc turbo引擎，令它羊皮狐狸！有204Nm最大扭力，而車身只重1100kg，加埋司機的65kg，形成一架有177Nm/ton仿如2000cc的小車。0-100km/hr呢? 不用多，只係7.9s。
2501cc-3500cc (編寫中)
呢個級數已經唔多受負載影响。扭力大約在240-360Nm之間；發覺到呢個級別的房車車身連司機車重大約1500kg；即是每噸扭力在160Nm/ton-240Nm/ton之間，換句話說。
3500cc的七人車和越野車車身連司機車重大約2000kg。以一架日產Elgrand七人車為例；原本每噸扭力有180Nm/ton, 載多六個人共360kg，每噸扭力下降致152Nm/ton，只係15%的下降，輕鬆程度仍然有一個人揸2000cc嘅房車咁。
應載4人
會繼續寫 3500cc, 6000cc的特性