回主頁

我曾經好想要激改，但原來我是一個保守的人，喜歡以含蓄內儉的方式地超越前車；亦不愛招搖，只愛以平實而低調的姿態在彌敦道巡遊。

似乎激改不大適合我。

汽車是一門學問，改車就是利用這學問，補嘗原廠車不足以滿足你要求的地方。

改？

打個比喻 - 五蚊一串魚蛋。

五蚊就是五蚊，五蚊可以買到的快樂永遠不能超越五蚊。即是你好滿意五蚊一串魚蛋，但你不可能有五蚊魚蛋加檸茶，除非你有十蚊。就算你攞個五蚊銀，用一蚊去彫花，用多一蚊去鍍金，個五蚊都只係面值五蚊，改得太多，仲可能個五蚊唔用得。

同一道理。1500cc改乜鬼，1500cc原裝偈 140Nm又100匹就只能有1500cc享受。你就算幾肯比錢，都只係1500cc感覺，倒不如買架2000cc！

再講呔鈴避震

乘座感就好似公司張有轆嘅櫈。如果放係馬路度行，你話會點？梗係蹬啦。即係架車裝咗薄呔硬避震。

如果用咗唔啱你款車嘅避震，而太過軟，就好似坐喺三層���怳W高，浪吓浪吓。

又話乜鬼R呔好黐好咬，軟軟的膠，咬住地下，咪好似單車呔無氣，踩得辛苦，嘥氣。

改改改，改乜鬼呀。不如集中資源，確保個五蚊隨時用得，日日用得咪仲好。

咁原廠車有幾不足？你的要求又是甚麼？

快意做車百幾年，大廠小廠都收購過，製造的車大大小小、小揭背車，八人車，Rally車，成為經典的多不勝數。它做了甚麼令你覺得它不足呢？

改車要有方向、要配合。要知道沒有單一件零件可以提升車的表現。要利用駕駛技巧，發揮車的潛在性能，取長補短，才是習武的真正意義。

又甚麼為之方向呢？

試將兩架車作比較。快意Coupe 和 萬事得MX-5

就此試圖將含糊的要求與實際改裝方向連結。

保持原裝 -    

即是盡量外觀原裝，令它可以低調。亦即係有幾唔願意加大包圍、換鈴、加turbo錶、改迫力大鮑魚等等，又或者有幾唔願意用雜廠件或改用其它車的零件。總知要同原裝無分別。

行得走得 -    

即是好明顯要佢成日都可以行得走得，仲要係以後三年都可以行得走得。即係有幾肯比錢做保養，令所有嘢都用得 兩三年。

慳油 -           

慳油咪慳油囉。亦即係會做幾多嘢令佢每公里平啲。

安全 -            

唔會跣呔，唔會停唔到，唔會有可能着火或電線短路，水撥唔會唔行，冷氣唔會唔抽濕、暖氣唔會唔吹亁玻璃等，都係我嘅安全要求。

美觀 -            

油要令、玻璃要乾淨、內籠要清潔、鈴要無迫力粉、皮要柔軟。

舒適 -            

唔好蹬、唔好嘈、收音機要清楚、喇叭要好聲

貪得意 -        

人類天生就有好奇心，好想試吓廣告勁力推介嘅產品。而我真係好想知究竟死氣蕉對引擎有幾大影响？

快 -                

攪吓副偈、谷吓turbo、換吓電腦，總知要0-100快0.1秒啦。

好揸 -            

彎要好、油門反應要快、迫力要應