回主頁

很多人當發現架車很大食，便會很不滿架車，覺得買咗架廢車。如果係二手車，就諗係比人呃。如果係新車，就直指架車有問題，去代理大吵大鬧，去信投訴。

但我相信他們從來沒想過自己的駕駛方法是很大的關鍵。在此希望和大家分享一下這慳油駕駛法。

我們計算引擎耗油量，通常是用每100公里用幾多公升電油 (L/100km) ，愈少愈好。又或者實際D，幾錢一公里。我架2000cc turbo車，用咗兩年半，行咗60529km，入咗$49,116電油，半均每公里$0.811。抵? 我就話好抵啦。有turbo，又夠馬，行得走得都係8毫子。

引擎耗油量是直接與引擎負載有關engine loading。這引擎負載並不等於車上載了幾多人或幾多貨，而是駕駛者對引擎有幾大要求Driver demand。例如，開冷氣、自動波車用的液態扭力變換器(Torque converter)和駕駛者要求的加速。

影嚮最大的當然是駕駛者要求的加速!

假設一個極端啲嘅情况。

一個人駕駛時正常地行緊5波踩下油門，車便加速。載滿人入滿油時，如常地踩下油門，架車唔去。(而這一句"架車唔去"，所代表的便是，加速比以往慢好多)。於是再踩深D油門，車又加速了。

這一個動作代表了駕駛者對引擎有很大要求(要加速)，但架車唔爭氣，副偈唔夠扭力，加速很慢。但因為你踩深了油門，引擎電腦便對應你的要求增加噴油量。架車加速慢，是因為輪呔上得到的扭力不足以達到你的要求。但引擎繼續增加噴油量，繼續嘗試加速。電油便浪費了。

當你慢慢加速時，輕輕地踩下油門，相信你一定有留意到，踩油門超過了某一深度後，架車的加速依然無甚改變。那一個深度便代表了在當時的引擎狀况和路面傾斜度，引擎供油是最理想的，再踩更深的油門只浪費電油。

簡單來說

1. 如果只利用油門加速，耗油量會很大，必須多利用轉波配合加速，踩油門時不要太快太深。

2. 你的車已決定了你可以有的加速力。如果架車cc細，又要慳油，咪唔好要求佢加速咁快囉。

3. 每果希望每公里可以平啲，就利用每公升嘅油用來行車，唔好等人時著車嘆冷氣。試想想，以50km/hr為例，5分鐘的引擎運作，可以在市區行4.2公里，即是由太子去到九龍灣。

減少無謂踩迫力

加速時消耗的電油比定速時高很多。所以要慳油必須減少加速。可以試吓以下方法：

1. 減少無謂踩迫力。

2. 唔好跟車咁貼。如果前面揸車個阿叔成日踩迫力，而你又想推走佢，跟到貼一貼，你自己咪要成日迫力又加油囉。最好跟遠啲，慢慢溜，找個空位入"懾"。

3. 遇紅綠燈要停車，和果可預計到架車幾時停，做到唔駛踩迫力而停到車，咁就代表你沒有浪費多餘的動力。

4. 遇塞車時，慢慢地在不踩油的怠速時鬆極力子，利用我們turbo車的大扭力去令車前進。

簡單來說

就是要好好利用預計能力，好好預算和前車距離和自己當時的減速率才去比油加速，盡量做到以定速駕駛，不須深踏油門而前進。

在下一回機械故障前會繼續修改