| 快意停車場 | 快意 蟠桃停車場 | 你的來信 | 快意俱樂部咭片 | 道路交通條例 |
第374章 道路交通條例！
「先生，跟住我駛埋一邊。麻煩你出示駕駛執照。」
我相信你一定俾阿Sir抖過，又一定係覺得唔抵，仲一定係莫財嗰輪先比人抄牌。
但，當你好鬼游閒咁行車，唔知點解前面個死丙硬係喺條快線度，死都唔讓路。心中必然唸住：「人渣車，佢揸車，揸得特別衰。」明明記得好似有法例規定佢要讓我噃，但究竟係乜例呢？好想阿Sir拉佢埋一邊，抄佢十張牌，以洩心頭忿。但似乎呢種大快人心嘅場面從來未出現過。
不如一齊研究吓。法律並非我專長，請多多指教。
節錄自香港雙語法例資料系統
根據香港法例374Q道路交通(快速公路)規例第12條交通局限在左邊行車，快速公路上汽車的駕駛人須只在快速公路車路的左邊行車綫上駕駛車輛...
根據香港法例374Q道路交通(快速公路)規例第13條超車，快速公路上汽車的駕駛人如無合理辯解，不得在被其超越的任何其他一部或多部車輛的左邊超越該車輛或該等車輛...
呢兩條條文係我最欽佩嘅。
簡單說，除超越前車外，必須靠左行駛。
呢條例精妙之處不單止令快速公路維持應有效率，仲可保平安添。
試唸吓，點解係快線揸慢車，點解覇住條快線，會有差人抄牌，會有人呠，會有人閃你燈，
情况一
如果你當日唔多心急，係條三線環迴公路上鐘意行70。如果左邊兩條行車線所有車都係行緊70，而你一屎忽坐喺條快線上面，咁條公路嘅流量就限制於每車每小時70km/hr。計算如下 (左邊行車線車速+中間行車線車速+右邊行車線車速)/三條行車線；即係(70+70+70)/3 = 70
情况二
如果你當日有啲心急，係條三線環迴公路上行100。如果左邊兩條行車線所有車都仲係行緊70，而你黐住條快線飛，咁條公路嘅流量就去到每車每小時80km/hr。計算如下 (左邊行車線車速+中間行車線車速+右邊行車線車速)/三條行車線；即係(70+70+100)/3 = 80
由以上兩個例子可以見到，公路上嘅應有流量，好視乎快線車速。只要快線上可以不長期被佔用，只作暫時爬頭，爬完頭返回中線，快速公路就終於可以名符其實成為快速運輸嘅媒介。
好喇，咁淨係右邊爬頭有乜咁安全。
試想，如果所有慢車都係左邊，你係右邊爬完頭返回左邊中線，你就唔駛驚有車喺後面湧上嚟，又唔駛驚有車喺慢線出中線爬頭。
嘩，呢條例嘅指引【除超越前車外，必須靠左行駛】似乎幾好咁，可以保護駕駛者之餘仲維持和促進香港經濟。值得拍掌。