早幾年住浪翠園，用盡方法去減泊車開支，泊街啦、泊時租、泊平但遠的停車場、泊樓下月租、泊爛地、日泊、夜泊、泊山邊、泊樹底、泊人地屋企...
以住深井浪翠園作例子
就這樣泊左幾個月，發覺原來返工係白做。於是就開始思考啦，找其他選擇。各有好處和限制。
於是找到一個配搭可以最輕鬆較平而揸車返工：
早上7:30一早由深井出發去九龍灣
8:00去到公司老遠停車場泊車
收工6:30pm去公司老遠停車場取車
7:15pm泊屋正樓下停車場時租
11:15pm前由樓下停車場泊落街
星期六日泊樓下停車場時租
落雨不怕落雪也不怕地，日日如是，風雨不改，就此幾個月。記得夜麻麻凍冰冰十一點落停車場攞車泊出街，晨早七時半揸車返工。最怕的是瞓過龍八點半先醒，拿拿林跑落街攞車驚比人抄牌。最慘又係唔可以早瞓，一定要過十一點泊街先安全。
每月開支$800+$11x4x25+$11x24x8 = $4012 比泊 樓下停車場和公司老遠停車場，原來係一樣唔見$4000
結果日行夜行悟出一個理財之道，就係
住新界以樓價差額去比行車及隧道錢
新界村屋比市區樓以同樣面積計，平一百萬。有車位，隔隔懾懾又好，方便又好。斷估點都唔會在汽車上用到一百萬掛。
出入市區來回100km，一年365次來回，一蚊1km好未，一年都係$36500
用晒隧道穿梭，$22每程，來回一年，又只係$16060
市區公司附近車位，每月$2000蚊啦，一年都係$24000
一年住新界村屋駕車開支係$76560，要十三年才用到一百萬！
住市區又如何呢？
淨泊，就算每月$2000蚊。一年係$24000
想泊埋車返工，又要每月$2000蚊。一年又係另外$24000
返放工每日50km啦，市區行走每公里$1.5，一年就要$27375
一年又係$75375。
最後在搬入錦繡花園前係放架車在荃灣返工唔揸車，都要$1800一個月。現在終於達到愛車人仕的夢想的泊車免費，仲泊到四架，有自助洗車打腊和管理設備。