| 保養 | 維修網絡 | 維修指引 | 找零件 | 快意拯救隊 | 十年養車開支 | 燕梳 | 撞車善後研究 |
| 保養哲學 |
急救小組
其實，快意拯救隊除咗係拯救香港人對快意嘅無奈之外，最緊要都係想拯救啲快意車主。當你地有危機時，唔駛手揗腳震唔知點好。
先睇吓以下拯救隊嘅架撑。
第一件 無油三寶 鐵罐、膠喉、漏斗
如果行到無油死火，而油站就係轉角，可盡地一煲，等十數分鐘讓電油回流和電油氣凝聚流去油缸底，可行多一百幾十米。如果仲有幾里遠，唯有使出無油三寶
架撑規格：
鐵罐必須有蓋，四四方方嗰隻就OK，即係"細火水罐"呀，大約$20。因為去油站買電油，佢地要求有蓋鐵罐。四方罐大約可入3.5升電油約$40，已經足夠行至少30km。
縲絲批一字十字無所謂但必須夠長，起碼30cm，大約$20。要長，因為入油嘴內有一塊掩，須用插支長縲絲批頂開。唸吓唸吓，都係膠喉有用啲。用兩尺長膠喉吧。一邊照樣用膠喉插住漏斗，另一邊插入油缸。
漏斗是但啦，$3之嘛
拯救步驟：
攞鐵罐去油站入油，3升已經OK。必須攞單。以免俾差人𢭃"做乜拿住罐電油四圍走?"嗰陣出現所謂"無証無據"嘅情况。好喇，攞住罐油去到架車度，打開入油蓋，放好漏斗，插支長縲絲批入去漏斗中間頂開塊掩。慢慢倒啲電油入去。小心大風吹到啲電油四圍都係。最好有支水，倒瀉電油可以沖沖佢。
入完後，先著匙，等一分鐘，待電油泵送啲油去到車頭，才去著車。若一撻唔著，再試。兩三次必能成功。
第二件 過江龍
過江龍其實即係兩係好粗嘅電纜，用嚟撻車用。要用呢件架撑，多數係兩年無換電池之過，又或者打南磨打柴。仲多數係泊咗架車喺時租停車場，又或者係趕住返工，總知唔得閒嗰陣就無電撻唔着車。唔駛騰雞，截停附近行緊架車(的士要俾$50)，叫佢揭起頭冚(唔好找Benz或積架之類，嗰舊電池係尾箱，要借電仲先要幫佢執好個尾箱！)，最好找日本車。
過江龍規格：
內部線芯最好2cm粗，要有好好的線皮保護線芯。因為撻車電流大，電綫幼會因阻力大令電綫發滾。
最緊要係夠長，最好起碼4.5m。長有乜好處？等可以兩架車平排也可以撘過江龍。可配合不同停車位置和相對角度。
每條電纜頭尾各有一個大鉗用嚟夾住電池正、負極。
拯救步驟：
最簡單，先撻着人地架車，正搭正；負搭負。即係人地車正極搭住自v車正極，再搭人地車負極再搭住自己車負極。搭好後，可以撻自己車。但有時，自己舊電池太唔爭氣，衰退到內阻太大，簡單方法仍不能著車，就唯有將原本搭自己車的負極搭去打南磨個碼上面。即係人地車正極搭住自己車正極，再搭人地車負極再搭住自己車個發電機金屬支架上面。得咗。
第三件 欖核唧