| 駕駛日誌 | 網頁目的 | 希望擁有的車 | 欣賞的車 | 馬力欣賞 |
2009
1/1 113384miles
一年的新開始就換油, 感覺真真一流.
上次的機油行左7500km, 不過其實6500km已經開始立立地, 設定下次換油里數117500miles是也!
同樣地換油是MOTY111 的15W-50, 剛過去一次的油耗紀錄是9.7L/100km, 在行駛7500km內, 漏油和燃燒共消耗了機油1.3L左右, 整個駕駛之中, MOTY在高轉的順暢沒有減弱, 油壓在換油前在熱車怠速時仍維持在1.5bar, 油溫在今早的跑步只升到95度. 最高一次是在兩個月前港島上山曾升至100度. 能有效保持工作油溫使不致油過熱而變質, 令引擎的保護非常的可靠, 絕對是可以用作代步車和激走的好選擇。車老了, 不使用這等有如人參養命酒般的上乘機油真對我已激走180,000km而仍然靚靚的Coupe講唔過去.
兩次換油之間的入油紀錄如下:
| 日期 | 電油 | miles | 賬單 | 公升 | L/100km | 平均每公里 |
| 21/10/2008 | Sinopec | 479.2 | $995.71 | 72.12 | 9.41 | $1.30 |
| 26/10/2008 | Shell | 282 | $628.59 | 46.91 | 10.40 | $1.39 |
| 2/11/2008 | Sinopec | 323.8 | $592.59 | 45.34 | 8.75 | $1.14 |
| 6/11/2008 | Shell | 329.1 | $727.90 | 49.89 | 9.47 | $1.38 |
| 9/11/2008 | Shell | 335.1 | $666.48 | 50.76 | 9.47 | $1.24 |
| 15/11/2008 | Sinopec | 332.6 | $646.79 | 50.1 | 9.41 | $1.22 |
| 28/11/2008 | Sinopec | 328.4 | $638.77 | 52.53 | 10.00 | $1.22 |
| 1/12/2008 | Sinopec Super | 314.7 | $669.84 | 52.66 | 10.46 | $1.33 |
| 7/12/2008 | Sinopec Super | 325 | $603.22 | 49.73 | 9.56 | $1.16 |
| 11/12/2008 | Sinopec Super | 316.3 | $611.47 | 50.41 | 9.96 | $1.21 |
| 14/12/2008 | Sinopec Super | 332.4 | $647.70 | 50.92 | 9.57 | $1.22 |
| 21/12/2008 | Shell | 341.2 | $632.14 | 50.21 | 9.20 | $1.16 |
| 25/12/2008 | Shell | 310.5 | $624.21 | 49.58 | 9.98 | $1.26 |
| 1/1/2009 | Shell Vpower | 306.7 | $651.84 | 48.5 | 9.88 | $1.33 |
2008
24/12 113000miles
在上鄉道駿名完成頭冚同bumper噴油, 回復八年前剛買回來的青春!不過, 當中八個年頭她已陪我行了十二萬公里, 太令人感動啦~~~
15/12 112500miles
自7月20日自殘忍受至今終於忍唔住,
攞去噴油, 因為重要日子黎緊, 1月3日係Punto Arvin之大喜日子, Coupe要拉隊支持, 所以不得失大體, 順便同bumper翻新. 排左兩星期,
今日噴油佬才肯收, 希望趕得切星期六聖誕派對.
12/12
用左$225買左二件check車工具,
薄火咀、12號三分六角匙卜, 三爪油隔拿, 下次換油可以好方便.
10/12
發覺行車時過D橋嘅駁位澎澎聲得太恐怖, 好似成車散咁, 門板太陽檔都要跌落黎咁. check返套bilstein只係換左兩年, 行左35000km, 點解好似無左fast bump咁.又已經換左套頭搖臂, 即係杯士係新嘅, 點解仲係咁蹬架????唔通塔頂膠未換之故?
30/11
終於裝返個收音機啦....差不多成年啦....靜靜地揸左一年車...
27/11 111132miles
呢排唔知做乜咁黑, 架車一行得又"領"野! 百二三行公路, 轉番入條慢線, 嘭一聲兜右頭撞埋舊路中心大石, 成個人頭咁大個, 黑麻麻地下舉上黎.痴線, 又唔見錢. 返屋企一check, 內圈凹左, 一定漏氣, 唉, 明早要過柴灣, 睇黎又要行路啦.
24/11
又返來啦.
17/11
好彩有阿Ray仙人指路, 去左旺角模型舖廿皮買左一包雜錦E-夾, $20. 開開心心跑返屋企, 心中期望住一放上去, 一扣一拍, 卡一聲一定可以應聲鎖實. 不過, 現實似乎有少少出入, 因為條actuator 推桿係死氣蕉下面又比個turbo遮住, 唯有左邊入手但係又有條turbo油喉中間頂住, 淨返左手可以直放入去, 又只有第二三指可以掂到個卡位. 攪左半個鐘, 成功咁對準個E夾, 不過又唔夠位放任何工具, 又攪左一個鐘, 於是忍住痛冒住見紅咁大力用鏍絲批推隻壓住個E夾嘅手指, 不過真係好痛, 結果梗係唔得. 唧起架車又由車底入手, 雖然兜口兜面睇住個推桿, 不過係睇住佢個背脊, 耍反手套個E夾入去, 又不過, 訓底左個人加上反手原來更加無可能.....攪下攪下攪左兩個半鐘....殘念.....
16/11
今早嘅成績因為引擎出現問題而失去大量時間, 好彩仲行得未有DNF.
上斜突然乏力, 點踩都唔過百二. 唉. 心唸又要整真麻煩. 車凍左之後摸一摸, 原來條turbo actuator推桿甩左, 唔怪得完全無力,
Simon Wong Fiat Coupe 1:23:11 +0:15:00 Engine Problem 哈哈
11/11 110550miles = 176880km
換油後又行左2800km,冬天到了, 成為非常高效能的大自然intercooler, 令個turbo引擎好好行, 呢種靜靜地而力大無窮嘅感覺真係好正.夜晚返屋企, 公路上只要輕輕一踩油門就可以爬幾架車頭, 真係好爽.
14/10
上星期發現左尾呔吉左釘, 漏得非常快, 於是食晏時去左學校附近補. 比佢發現兩粒縲絲! 好彩, 如果行耐D, 到時就要補兩個窿.
今次定期檢查, 一定要預D時間CHECK下個水撥連桿, 睇下上次嘅修補有無褪化. 呔就行左12400km.
13/10 108751miles = 174006km
今次足足行左9100km才換到油, 其實非常之立, 不過未買到油所以捱住等. 雖然換左好多之油, 但因為成日唔記得, 要一提自己需要借定12mm六角匙鬆油底縲絲。嘩, 瘋狂用量, 一個月行左3000公里.
1/10
終於的起心肝買了幾樣工具準備開工.膠卡尺$15,
他錶$93, 板手$78, 奶咀$22.5(100粒), 黃色油筆$42, 白色油筆$42. 因為以前開車房時乜鬼工具都留低左, 家下要慢慢買返, 好肉赤.
21/9 107275miles
換MOTY's油之後行左四個月, 已經6400km, 本來打算係時間換油, 但係依家的油耗只係$1.37/km, 咁情況換走佢好似浪費左D. 所以決定繼續使用直至情況有變.
昨日又調校油門威也令佢唔好鬆同埋唔會咁低, 做踭趾時要沉到好低.於是拆左生氣喉, 拉後威也, 結果油門腳踏升高返, 成架車好揸晒.
6 September
 |
 |
 |
 |
 |
|
上個月刮花左, 唔得閒理佢之後佢仲自殘大大鑊 |
出左院我即刻做野啦. | 繼續用支3M清潔腊大力捽, 為求可以唔好咁礙眼捱到有空閒時先送去噴油. | 死命咁捽左一個鐘... | 頂住一輪啦. |
2 September 106030 miles
終於.....終於出廠啦.感動得令人流淚.
軚即刻實在晒. 呢位人兄, 阿良, 確實係一個很有心的人, 他拆下生氣批換走那些導致漏氣的喉碼, 又拆下全組蝴蝶掩清洗, 甚至turbo之後全組喉也洗淨了.
車已經OK, 但阿良同時發現cam sensor出現响聲, 必須盡快換新, oil cooler頂滲油, 下次換時, 要換埋喉, 連隨換埋高壓軚喉.
又要部署一下先.
23 August
零件終於到左. 有CAM帶, 平衡帶,
啤令, 壓轆, 皮帶, 水泵, 極力子分泵, 迫力總泵, 左右下搖臂, 上下水喉, 水箱水溫制. TDC sensor 可以開工啦!
星期一睇左第一個season嘅X檔案, 又見到Agent Scully寫field report時成日口up up又打字, 先至醒起, 原來係好耐之前睇過X-files時已經覺得Agent Scully咁樣寫field report好鬼有型. 應該係在呢個形象影響下我開始寫維修紀錄同埋駕駛日誌, 揭開事件真相, 將所有迷用科學方法去解釋, 因為我相信The Truth is Out There.
2 August 105980 miles
入了隱世高人的大廠進行深切治療....
29 July 105940miles
都知有新竉時唔好咁揚. 家下大婆知道, 佢就係咁自殘. 二奶等緊批文, 大婆又急病入院, 真係心痛. 事源係上星期日入去錦田,
行過個氹, 一個不慎, 兜頭趺左入去, 嘭左一聲, 心知不妙, 轉入直路時, 軚環仲唔正過之前好多!
原本都知頭擔開始散要整, 等架飯煲蓋ready, coupe就可以留院手術, 點知.... 今朝一行, 仲弊, 過錦繡凸起駁位, 車底格格聲,
心唸一定有野難左啦... 沿途龜速返學校, 軚環又唔正, 肯定省緊呔, 肉痛re050之餘, 又心痛架coupe要死捱到飯煲蓋出牌...
但返到學校唔睇好地地一睇就仲痛, 原來條底巴縲絲位撞後左, 嘩... 即刻想拖車返屋企.....
因為都唔唸住行佢, 咪即刻打比eric,
安排入去整佢架coupe的錦田隱士度一頭半個月, 換埋cam帶咁大大鑊整好佢.
唉.. 最慘係令到成個維修schedule 提早左, d水回唔切, 好傷. 下午去買左支六合簽,
祺求上天眷顧.
20 July 105623miles
Coupe係唔開心啦! 今日一整好架AW11,
佢即刻自殘.我同平時一樣咁駛入屋, 點知左頭刮左埋牆角!唉!
26 Jun
|
因為中間個圓形甩左, 上次以為只係套住, 咪墊D膠迫住先.用左半年就甩。 |
發覺原來原本係有粒膠'kick'住個窿仔, |
|
於是今次用銼銼個凹位比條索帶食入去, 紮到好緊, 應該頂到十年八載! 再係頭玻璃搽Rain X, 以防萬一. |
|
25 Jun
尋日八號風球,
心唸早少少落波前揸車返工, 真醒! 正沾沾自喜, 心中暗叫COUPE真係可靠, 又有靚呔引擎又GOOD仲有冷氣,
十號風球都唔駛驚。點知去到天水圍個手撥停左就咁企左係度!
一盲左就發左癲, 發晒老皮, 之後就唯有隊個頭出窗口, 龜速咁返屋企。記得半年前整過一次, 呢次勁嬲因為知道上次整得唔好.
24 May
檢查返已往入油紀錄, 發覺最近用耗油量大增, 去到$1.7/KM, 情況非常不妙, 比以前用Oberon時的每公里$1.4已然多。excel計算下有兩個嚇人發現:
1. 行了6700km的oberon F333, 平均油耗是9.9L/100km, 而行了3531km的Selenia平均油耗是10.6L/100km, selenia比oberon大7%
2. 行了2500km之後耗突然升至11.24L/100km!可能selenia只有2500km的耐用性.
23 May 103270miles
為了測試MOTY M111極級機油, 我又換油啦. 上次黑罐selenia行左3000公里啦, 好似仍然好OK, 其實我覺得幾好用, 夠順, 但又唔知典解, 爆起上黎神秘的Oberon係好勁. 又換埋Oberon波箱油F808 75W90兩升, 入唔夠架, 正確要2.1升. 又前後調呔再醫走左, 好少少, 是但啦, 最緊要係無省呔.
12 Apr
完美的身體受傷!!!! 因為貪靚, 落雨前抺車, 抺抺抺大力抺, 卒之將個16v turbo章整斷左!!!
22 Mar
在自己的二手零件堆中找到個idle valve!!!!真攪笑, 打鑼打鼓搵左大半年, 又想買又嫌貴, 結果都係disable唔用, 竟然係自己度搵番。
2 Mar 101122miles
呢
朝晨早留留車住"地獄黑仔皇"行經大帽山, 跑下步輕鬆下, 仲過埋海遊車河。上山落山相安無事, 但地獄黑仔皇黑氣石纏身,
在落山時覺得輕輕聞到燒機油味, 以為係前面隻綿羊, 點知綿羊走左味仍在, 不以為意。繼續落山, 點知去到深水灣發覺地下好跣, 但又只係左彎跣,
仲跣得好勁, 心知不妙, 停車一看, 嘩~~~~~~!!!!!!! 成地Oberon呀!!!! 仲因為Oberon好有依附力,
成條尾呔都係油, 唔怪得咁跣啦, 又唔怪得後面幾架車都跣左過對面啦. 睇黎係oil cooler 喉穿左, 好,
咁拖車去整啦。全記唔係貴一日即刻整好, 因為只係穿左oil cool 喉, 連工料只收$500, 但拖車$350,
漏左3升Oberon, 成$900, 因為唔捨得再買Oberon住, 於是買番2 罐selenia $600, 又因為Oberon溝淡左所以加返半罐A620 $100, 結果係一共漏左$2450!!!
18 Feb 101014 miles
終於籌到期換呔啦, RE050A四條唔該,
仲有打埋氮氣....氮氣呀...又一次喚醒我對氮氣的祟拜和渴求, 只係一直唔捨得比錢添加。
又係去左土瓜灣石橋Pro tyre shop囉。換走時舊一對RE050A外面的一角已經平頂, 行左18900km, 車尾的S03行左24000km。這套呔已在最近幾次戰鬥中連番失利, 非常可怕, 用了六千銀換呔, 試問點會捨得平白行街。
19 Jan 100200 miles
上次換左Oberon已經行了7000公里, 唔怪得咁立啦。今日做一次定期保養:
1. 換油和油隔, Oberon F333 15W-50
2. 換K&N 風隔
3. 換迫力油ATE DOT4
4. 前呔RE050A已經圓了角, 尾呔S-03係時候退役
5. 前後迫力皮仍然好夠
換油前一缸油的平均耗油量為$1.55/km = 10.53L/100km
5 Jan 99975miles
換左遙控電池CR2016兩粒, 即刻開門Good Good!
因為行左接近十六萬公里, 可能因為氣缸蝕左, 唔夠壓力, 開始有d難著車, 架車又好立, 係時候check check。
2007
23 Dec 99630miles!!!
十二月流流, 正正快意聖誕派對落雨已經黑仔, 仲要行行下壞埋水撥。唔係撥唔起, 而起撥起左唔肯落, 全程硬晒軚咁!!
有摩打聲, 似乎係甩鉸多。返屋企拆出黎, 發現條連桿個波子頭太緊令扣位鬆脫。夾硬逼實之後又用得, 今晚Go Go Go。
28 Oct
今朝一路行一路聞到燒機油味, 返到屋企留意到原來已經漏左成個星期! 不過, 306又同時出事。這敞應該是Double KO.
19 Oct
又中!!!! 唔係中雷射炮, 而係中飛彈。係3號幹線入青衣隧道前, 我絕對有理由懷疑有sniper伏擊。如果唔係無理有係呢排咁凹水嘅情況下依然中石仔, 仲可以中到咁爆。我清楚記得好肯定兩年前在同一位置, 頭玻璃右邊又係中彈而爆裂至今。
5 Oct
上星期死氣鼓竟然唸住跳車逃走, 點知fing唔甩另一端, 比我用電線呀索帶咁札住返屋企。今日終於用了3個共值錢$48的吊膠收服左。
8 Sep 97500miles
更換了兩個風扇摩打, 回復應有風力。停車時水溫keep住係88°C, 行車水溫雖然唔關風扇嘅事, 但係都紀錄一下, 行車水溫78°C。
2 Sep
換左水撥又啟動番個冷氣就遇上千年大暴雨。
31 Aug
無左快風!! 三年前整過, 今年成個循環又黎多一次。今朝一check, 省過個電阻, 省過relay盒火線, 個快風原來係行, 但係好敷衍咁行, 求其咁轉下。唯有認真d拆落黎, 找神哥 (背景音樂~~~ Hallelujah ~~~~) 撓撓摩打線圈。
30 Aug 97314 miles
成日同人講應該換水箱時一同換水胆, 於是今次順理成章換左佢。換之前又檢查一下証實自己嘅判斷啦。錯晒。用紅外線溫度槍一度....水胆:85°C, 上水喉:85°C, 水溫錶顯示:60°C; 原來水溫低係紅色水溫錶sensor出事。但又點解轉數咁高呢? 原來又係個idle valve散左。已經無插插頭啦, 都仲要散嘅!竟然用自殘黎逼我換!!! 蓄錢囉。紅色水溫錶sensor拆去配又配唔到, 唯有默默咁為佢祈福。卒之水胆照換, sensor唔換, 之後竟然水溫、轉數也一切正常。似乎紅色水溫錶sensor, 電阻愈大代表愈低溫, 所以接觸不良時水溫錶顯示好低溫。
再check埋冷氣, 係呀, 奇聞怪談呀!!!!但原來又係舊患relay盒。應該係時候將relay盒升級啦。
OK, Coupe ready. Go Go Go.
18 Aug
壞了。轉數又扯高到二千多轉, 唔係漏氣。似乎和水溫有關, 因為留意到行車一大輪, 水溫還是五六十度, 好唔正常。雖然換左水箱, 但水溫應該在八九十左右。是水溫sensor壞, 還是水胆長開呢? 抱恙回家已經好慘, 唸住夜媽媽無人知自己柄埋慢慢check, 點知十二點幾, 隔離屋成班青年男女企係門口傾計!!!! 成條街靜英英時, 個車頭二千幾轉上上落落, 好似對住班女踩油發發聲咁, 妖...., 千年道行一朝喪, 堂堂會長公然調戲良家婦女, 非常羞家。唯有頭耷耷係班女面前踩住二千幾轉咁泊車入屋。聞到比燒極力子還要燸的味。
10 Aug 97225miles
有了腳車就控制到coupe嘅使用量, 這四個月以來也是每個月一千公里。從這使用量就可以推算到
1. 尾呔S03 2006年2月上 已行了 18280km, 以落地2年計, 尚有6個月可用
2. cam帶 2004年1月換上已用了 41288km, 以起錶後少用則3年或多用則50000km計,尚可用9個月
3. Oberon機油, 2007年6月換入已行了2300km, 以起錶後7000km計, 尚可用5.5個月
4. 極力子, 2003年8月換入已行了50000km, 應該仲有排用
咁即係下年要預額外$12000作維修開支。
8 Aug
續命一年!
上次外出後, 有了小問題, 連無駁idle嘩佬插頭個轉數仲係上上落落又扯高到千八轉, 跟跟真空喉先。
好喇, 氮氣...氮氣...呀..氮氣, 漏左嘅氮氣, 能在熱車後依然保持穩定呔壓, 令唔會影響熱車後的乘坐感, 它無敵它好用, 它終於都係敵不過免費嘅油站呔氣。
4 Aug
為準備會慶時見一見快意俱樂部的鄉親父老叔伯兄弟, 專登買齊架撐省一省炮。
1. 先用3M泥膠加沖水
2. 再用$38 Sonax Shapoo洗乾淨
3. 之後用吸水布抹乾....等
4. 用$55 Autoglym Paint Renovator清潔, 好乾淨, 但勁多粉
5. 最後用LiquiTech上腊。
三小時完成. 好, 見人啦. Go Go Go!!!
29 July
今日跑步時發覺很推頭又早响呔, 必定係呔氣不足, 但氮氣喎, 乜漏嘅咩!!!! 好唔想係事實都要check一下。熱車時: 頭37psi, 尾31psi; 凍車時: 頭36psi, 尾30psi
從而証實了兩點: 1. 凍熱車呔氣只差1psi, 令熱車行車不太跳. Good!!! 註: 用普通打氣, 熱車後呔氣多5psi! 2. 一個月呔氣漏左2psi. 唔好.
28 July
利用一個早上修好了鬆散的中控台, 就是利用一張地毯捲埋, 夾硬塞入收音機座和地台之間,成個中控台頂實晒, 無晒鬆散的雜聲。對這架咁完美嘅Coupe黎講, 更添完美。
21 July
最近換上Pagid頭尾碟,
開頭迫力非常之軟, 感覺唔好, 但之後bed-in後愈來愈firm, 好實在. 以前用REDDOT碟 + Ferodo皮 + Goodridge鋼喉,
也未有呢個感覺. 好啦, 今日, 我要宣佈Pagid 八坑碟, Ferodo DS2500皮, Goodridge鋼喉 是我指定推介。
29 Jun
今日放假, 一早起身就屎忽痕癢又拆內籠滅聲，要為一洗被譽為全港雜音最強Coupe而出點力。今朝另一大成就係成功修理好那一個神秘嘅機械式座位位置記憶。
拆下的馬鞍和中控台會被清潔和噴黑油翻新。
23 Jun 2007
去了土瓜灣Bridgestone Pro Tire Shop換鈴戥呔和度軚，還將四條呔打氮氣。
- 換了右邊兩條鈴100km/hr的軚盤震無了。
- 度了軚但結果未如理想要跟進
- 氮氣的表現又有些啟發: 就是在行車一輪之後，輪呔因温度上升而令呔氣壓力增大而產生的彈跳沒有了。即是如果凍車呔氣37psi，熱車呔氣也是37psi! 表現不會因行車時間而改變。是很好的升級。
今日我想提出一點輪呔的注意事項：輪呔. 不論是石橋或yokohama或乜乜物物，換咩呔...對車主而言其實不只是找一種好的產品咁間單。換呔是一種服務，因為不止要有好產品仲要有人裝好好地佢上架車度。
1. 唔好整爛我架車 2. D呔要新鮮行貨 3.裝戥呔設備要好 4.員工要仔細 5.日後服務有相量 6.有埋度軚梗係好啦。
今次我也很滿意。
22 June 2007 96000miles
就係佢！全靠佢。集全體快意之力終於在四日內將水箱由英國零件舖手中運到我手。Alfa的兄弟即日裝上試水試車OK, Go Go Go!不過迫力勁軟，可能係迫力總泵真的老化啦。不過要準備拆生氣批一大餐野。下次啦。
17 June 2007
今次是刻意安排在定期保養時加入軸承部份維修；大修迫力分泵、換轆啤令、換迫力碟、換極力子總泵連帶換迫力油及放氣。上星期六，頭hub的維修已完成。但可惜水箱漏水要等新水箱到時才可解決，今星期唯有等...咁咪Fix
It Again Tomorrow.
換鈴和校正軚角度就取車後去ProTyreShop度 用電腦輔助儀做。
16v turbo的頭迫力分泵沒有大修kit，可以用Alfa GTV的Parts number9950556。
16v turbo的頭迫力分泵和很多Alfa Fiat一樣可共用。
換得水箱(Radiator: 71735358)，
梗係換埋上水喉(upper water sleeve 46437762)，下水喉(lower
water sleeve 7758903)，turbo入水喉(hose
82478203)，turbo出水喉(hose
7566202)
Pagid頭尾坑碟也有分左右，在獨立包装紙上有特別註明。
14 June 2007 95800
終於排到期做定期保養。
1. 換油Oberon F333 15W-60, 油隔(oil filter: 71736164)
2. 換走K&N, 換入原廠風隔，因K&N用了六年啦 (air filter: 7786042)
3. 換頭轆啤令 (front hub bearing: 60809805)
4. 大修頭尾迫力分泵 (Front overhaul kit: 9950556) (Rear overhaul kit: 9941668)
5. 換頭尾Pagid坑碟
6. 再換原廠極力子總泵 (clutch master cylinder: 60586738)
7. 發現水箱漏水，換個舊嘅。順便配個風扇摩打
8. 換走左邊的鈴，等左好耐啦
9. 校正走軚
6 May 2007 95749miles
離上次換油已行了7246km, 一直的拖遲維修日期, 其實無他.... ..
早排一直煩擾我的idle valve問題終於有對策了, 就是將idle valve的電插頭拔走, 將怠速調高至一千轉, 不是正確之道但效果確又唔差.
29 Apr 2007
為Coupe全車打腊LiqiTech, 再一次回復光澤，
14 四月2007 95129miles
終於引入了Pininfarina二號 Peugeot 306cabrio！為滕出空間要駛後成兩星無掂過嘅Coupe。Vrooooooom~~~ 一撻即着。感覺真好。
30三月2007
又入左$649蜆殼超級無敵勁爆無鉛(即超勁 - 亦即是普通無鉛)，狂走526km。換算為$1.23/km，10.52km/L！同一年前油耗一樣。換chips後一切正常, 油耗正常, 力量澎湃。但年事已高95年7月製造的它如今也12年光景，要換的換了, 未換的算我好彩。
1. idle valve唔換唔得, 轉數扯上三千轉!
2. 迫力總泵也是時候換了,况且有件
3. 頭尾迫力分泵是時候大修了, 少少拖住唔回地响
4. 頭轆啤令响
5. Oberon 也行了6000km
6. 上次換cam帶 2004年行了40000km, OK啦。
7. 上次換極力子2003年行了48000km, OK啦。
8. 頭尾碟也夠期的薄過最低厚度了
9. 頭冚撐比條廢柴整斷咗
10. 電池已超過兩年
11. 尾S03叉已超過兩年
等pininfarina二號到埗時Coupe便可入廠小休了。
25 三月2007
$681蜆殼, 52.5升無鉛，覆蓋514km，耗油量為每公里$1.3!
23 Mar 2007
終於大功告成。
11 Mar 2007
三星期令曲線重現眼前。2月23日到將軍澳村找尋山中隱士山邊德，3月2日山邊德求得另一山林鐵匠。傳說山林鐵匠祖仙乃商朝人鑄鼎大師,
在商朝後期徒手製造的大方鼎重達875公斤。山人既蓄髮又憤世裝佯
10 Feb 2007
我撞車呀~~~~!!!
成個頭冚摺縐咗! 事源係自已分心掛住寫短訊, 感到其他車行我咪又行囉，點知前面架的士唔行，bonk 一下就如此。
不斷後悔自己的失誤, 真係賠了夫人又折兵!
教訓是, 揸車唔好用電話唔好諗淨係唔想比警察周到罰款，係唔可以係咁重要的車內分心。好彩是的士，賠錢就能了事。
還有, 這次意外也是文化介的恥辱，因為個短訊也錯了別字。
28 Jan
一缸行$698蜆殼普通無鉛，可以行到557km! $1.25/km。
同埋又在偈油隔喉漏偈油和後波制油封漏油！
14 Jan 94000miles ~ 150400km : )
用少少時間寫低架Coupe的問題先。
1. 勁走左 2. 拗鈴軚震 3.收音機壞，轉左時收音機會熄 4.水撥唔清
7 Jan
入$684行到509km, $1.34/km。OK的抵。
2006年發現
24 Dec 2006
又走了一缸硯殼，534km $648, $1.22/km。卒之的起心肝去整個收音機。拆走個EQ, 拆走個Amp, 齋機, 正！但心痛亦因此而起... 原來乘客位地台都係凹咗！上次車身佬都唔講埋!!!
17 Dec 2006
大收獲的一天! 今日利用中文大學部馬力測試機, 試到加咗粒chips後, 馬力大約有成244匹！嘩! 驚人的力量, 唔怪得架車咁好去啦。下一步是要正確量度到增壓後的壓力, 要開始搜尋一個合適的bar錶!
去得盡時,好快又玩完一缸蜆殼普通無鉛。原來今次差D去得太盡, Shell竟然可以入到總值$743的98辛烷值電油去油缸, 足足56.5公升！原來都只係用了九成啫。今次行了525km, 即耗油量是$1.42/km。Goooooood. 亦即係呢個244匹，只係多出6%的油耗。更妙。
好在有Rikki大師係度, 利用個16v turbo專用的datalogger, 駁去引擎腦專用嘅插頭, 測試到個蝴蝶掩角度sensor, 生氣喉壓力sensor, 水温sensor，讀數全部無問題, idle valve亦是依據地打開20%。軟件無問題, 即係硬件啦, 借了Bobby哥的idle valve一試, 答案就是它。拆下一看, 調校不正確之餘還行蝕了, 是要換了。但校正後個怠速又正常返, 頂住先。Bid個舊野先。
16 Dec 2006
朋友價$800整左兩日整返平。都話車係愈整愈壞，為了補呔而令車底凹左。
14 Dec 2006
好無心機寫呢段維修紀錄, 因為攞架車去補呔, 比間呔舖積錯位積凹咗個司機位地台, 頂住咗個腳踭。睇住架車積起咗後蹬返低就知出事。重要加上漏氣唔係拮咗釘, 而係上次撞凹鈴邊漏氣！唉...今日車身佬話凹得好勁。
10 Dec 2006 92620miles
今日外出聚會時揭頭冚，才發現到風扇電阻條線霉斷咗！頂住先啦。個怠速愈轉愈高已經成1500轉，一定有問題啦。返屋企後咪檢查囉。點知...再揭頭冚，我見到隻可憐嘅馬
- 屬於戰場嘅馬，牠狂過，牠快過,
牠風塵撲撲，牠傷痕累累，縱然牠現在嘶嘶地喘氣仍掛着那股要過關斬將一馬當先的勇。可憐牠過去幾年被冷落了只被鞭策作戰，積累疲憊。今日的Coupe有病了。我要用一些日子整好牠。
話說回頭，check過無漏氣, check過idle valve, 左check check右check check, 最似出現問題是個蝴蝶掩角度sensor走位,要重新調校。
另外今天我已不再是全原裝了，因為有了少少改變。我指除了套Bilstein避震,Eibach彈弓,momo頂巴,Ferodo迫力皮,Reddot頭碟,Goodridge迫力鋼喉,RE050A頭呔S03尾呔,Supersprint死氣喉,Denso銥合金火咀,Walbro 255電油泵,K&N風隔,Magnecor KV85火咀線,Oberon F333偈油,Izama電子整流器,Yamaha後級...之外, 其他全部原裝，門板呀,章呀, 縲絲之類，水唧呀，咹呀...都保持住原裝嘅美。簡直係原裝純情小白鴿。
今日首次破戒植入原裝Lancia Integrale EVO fuel map嘅電腦晶片試吓。ok勁啦... :D~ 因我相信不是每隻chips也有如此ok的勁而無負面反應, 所以我開頭好抗拒用改裝車chips去調高馬力, 今次係Rikki和Jason多番測試後才令我放心試毒！話時話, 暫時唔駛解毒住。
但為咗試埋可否連接原廠部Examiner 引擎診斷器, 我會在垃圾筒摷返粒原裝chips。
6 Dec 2006
我嘅RE050A~~~~~~~~~~~無啦~~~~~~~~~~~~~~!!! 竟然真係被粒縲絲拮穿!!!!!星期日以為無乜野, 點知架車越揸舒服, 越黎越無走左, 堂軚直晒。必定有QK. 今日check右頭呔氣...得番20psi...
4 Dec 2006
又走了一缸中石化514km $690, $1.34/km。而家架車好似鬚刨咁, 更順滑更順暢更好暢。
25 Nov 2006
返來囉!!!一切都返來囉!!!就好似身體一部份重生咁。手到拿來地得米。
行了486km肚餓到順便食飽$709, $1.46/km
Oberon 全合成偈油, 順滑無比直至6500rpm,勁! Denso銥合金火咀, 提高點火力量, 勁勁! Walbro 255電油泵, 提升電油壓力上限至5bar, 勁勁勁! 全車新鮮DOT4迫力油, 迫力反應回復準繩,勁勁勁勁! 新極力子總泵和分泵，極力子運作腳腳應,勁勁勁勁勁! 新入波威也杯士，令入波不再鬆泡泡，勁勁勁勁勁勁! 準備好Coupe，又可應付另一貴菜是。: D
16 Nov 2006 91220 miles
嘩! 好多野要整呀!
1. 換油 Oberon F333 15W-50
2. 換火咀 Denso Iridium IW22
3. 止漏油.換嘩佬冚掙口, 油底掙口, 偈油唞氣喉膠圈
4. 抹蝴蝶掩
5. 換入波威也杯士
6. 檢查波箱漏油
7. 換極力子總泵, 因為踩極力子時卡住唔回
8. 換全車迫力油
9. 度軚, 走左
10. 軚震
11. 換Walbro電油泵
正準備攞架車去整時, 仲發現佢熱度去到90°C!!! 平時塞車只會留在85°C左右, 今次弊啦! 返工後一check, 原來係慢風電阻壞, 無慢風。好似好少事，但重要嘅係呢樣嘢在2003年6月整過。即係呢架車嘅零件已經進入了衰退期, 第一個循環已經開始啦.......
6 Nov 2006
快意20v turbo金銀膶，好得咁!但若然我架16v turbo引擎嘩佬冚可以如此，究竟我會唔會咁鍍佢呢？
31 Oct 2006
再出現另一塊全原裝快意Coupe的拼圖! Coupe 16v turbo 車主手冊! 出廠後的十一年, 我的Coupe再一次重組, 連車匙和車主手冊也相繼出現, 失去的再回來。
15 Oct 2006
換上一對新燈, 成架車精神晒, 仲有番燈影調校。成架車嘅車頭就只有左頭帽燈係舊嘅啫。
最近一次耗油量又因減油價和天氣凉了而平了，去到$1.37左右。
弊! 行了8000km仲未換油!!!
4 Oct 2006
絕美的重現
三個星期的心血(人地嘅心血)換來今天的青春。拆頭冚、尾冚、尾燈、門腳踏、門鏡、頭尾泵把..黃色的當然噴翻1995年 Fiat 258 Giallo Ginestra - Broom Yellow黃啦。但黑色的更噴上黑色，水撥冚、門框、門抽手、泵把底、裙腳...也是令立立的黑。
19 Sep 2006
為了迎接Coupe在我手中的第七個年頭，加上右鏡殼甩色，頭冚和門勁花凹，尾冚有遮柄弄的凸點，頭玻璃有子彈窿，頭泵把裂油，頭燈白內障，終於攞咗佢去全車噴油和換頭玻璃和換頭燈。得悉師傅乃前勵駿員工亦曾接觸快意，信心大增，我同佢講黃色的黃色，黑色的黑色，佢便回答 "即係保持原裝"。真係一講即明。師傅指出車籠裏面唔噴只清潔。我話梗係啦!最緊要個殼。無錯我很膚淺，只要個殼得就得。之後會加天下無敵陶瓷物料的太陽紙以提高車內擴太陽直射的能力，免得要乘客撥扇！再來會去佳亮打打腊保住隻油。
噴油$10000, 頭玻璃$2000, 太陽紙$5500, 佳亮腊$2000, 頭燈$2500
賣咗架Fiesta先夠錢噴油，但買入賣去架Fiesta個差價又已經夠噴油！
今日赫然發覺條SuperSprint個轉彎位生銹!!!唔係瓜!!!一年咋!!!!!又無放係山邊"牛"，典解生銹呀。
27 August 2006 89200miles
因為在大帽山用Bilstein跑步後發覺操控非常凌厲，反應超然的敏捷，車頭的一對S03也跑得叫苦連天,
為免在車尾的一對T1R在彎中捨我而去，我決定換走佢。車尾T1R行了16000km仍然新束束。我是石橋迷，換呔就只有S03，RE01R和RE050A𢵧，RE01R尚未有行貨賣，RE050A亦是上乘之選，呔舖給我朋友價205/50R16
$1300一條。
RE050A是不對稱呔紋,不是單向呔，而是分內和外。
測試後就知道選擇絕對正確，有S03更強的抓地力，更敏捷的反應，彎中比油再沒有外推的現象。
最近的耗油狀況是$300中石化，可以行192km，大約$1.56/km。
23 August 2006 89112miles
換上新Bilstein，是, 無錯又Bilstein, 第二套！換走的一套原來已行了58000km，雖然無响無漏油，靜止時和新的一樣堅挺，開頭以為蠢咗，但裝上四支新野後一坐上車，那零下沉嘅firm已叫我無憾。即時知道無錯，係時候換啦。順便換埋右內橫濕塵冚。但又同時發現極力子腳踏時不時唔彈，似乎總泵快收工。
4 August
整好冷氣啦，但係又黐線。禁水唧會着高燈！個冷氣就換了抽濕樽。右尾呔原來拮了釘得10psi呔氣。油底和嘩佬冚𠲜口漏油，避震打柴，引擎頂撑巴膠爛，右內橫濕塵冚爛，又夠期換油換火咀。
26 July
今日成功完成驗車，我又可以作信心投資，一買就買一年牌費。
18 July
Coupe要繼續辛苦你啦，28car
2 July 2006 88000miles
成日以為右耳弱聽，因為右邊門喇叭好細聲，衰咗成年也未搞好，昨日找Gary調音師一指，原來部Yamaha Amp左右Channel有獨立放大控制，而右邊真係放大唔夠！一年弱聽終於醫好。
最新耗油數字為$300行256km!!! 每公里$1.17。其實呢個油耗於行新界車上無乜特別，試想市區三千轉三四波加速減速，行新界三千轉可時速百多公里巡航。
25 June 2006
浪費了Coupe的青春了。好似已經一年無打腊了。今次多做了功夫，先洗車，用泥膠黐咗鐵粉，用degrease清除轆彎和牙仔嘅污跡，最後上Liqui-Tech Finish First腊。同Coupe做了兩小時Facial。
入$300 Shell 普通行到192km，入$300 Esso F1超勁只行到160km
4 June 2006
行了370km要入油$600，即係每公里$1.62。嗯....曳曳呀。
1 June 2006 87030miles
今日難得時機返公司整Coupe, 快快手換個Starter, 又換走塊死氣蕉隔熱紙皮改用Jason金屬板, 換塊新新地左尾窗冚，又度軚修正軚環偏右問題，加返個冷氣壓力制。
如此高完成的16v turbo又再充滿生命力。
31 May 2006
個Starter終於要收旗了，半年前十次有一次半次個牙彈出但咬唔實，一味摩打空轉。於是準備訂定starter，一個全新嘅要了我三千多元！好喇一直未裝上去。最近問題現象越見頻密，今朝在落狗屎時準備出去，撻三次有兩次唔得，知死喇，即快要安排更換。
27 May 2006 86700miles
換了Ferodo DS2500 (part no. FCP1052H) 頭迫力皮。新迫力皮有12mm厚，原本(2002年8月53000miles換入)行了兩三年的只剩下3mm，好抵用(行了53000km!!!!!)。一換入後，迫力高返、硬淨返，好好。慢慢地揸輕輕地踩迫力將皮開，力量回來了！
9 Apr 2006 86374miles
很快就可以體驗Lampredi 設計的直列四氣缸16v turbo 引擎和Fiat Coupe車架在工作了87500miles/140,000km的結果。希望可如經典作品般保存下去。
2 Apr 2006
行了434km要入油$700，即係每公里$1.61。
12 Mar 2006 85978miles
Coupe的油缸是奇怪的，油錶指針是不線性的。油缸 容量為60升，油針到底可以入55升，唔知點解通常入滿油後行過一半，支油針就咋咋聲咁跌，好似穿咗窿。有Fiesta代步Coupe就發揮得更徹底，用油就更徹底：行了277km竟要入油$543，即係每公里$1.96。仲有它竟然自我復康，連右門喇叭都出番聲。
26 Feb 2006
講你都唔信，就算連自己都嚇親，最新耗油量擦出新低紀錄: 行左470km只入到$528.6油，即係每公里$1.12。睇吓下次入幾錢油就知有無錯。右門喇叭又無聲！激死，睇嚟要放棄套後級和平衡器。
四條呔頭用S03加尾T1R都好好行，咁又有乜啟發呢? 就係價錢啦。205/50R16；車頭佔總重65%，即係車尾得35%；咁橋，車頭S03 $1150 一條，車尾T1R $690；頭呔和尾呔價錢又差不多是 63% : 37%，咁我又可唔可以假設我架Coupe要買一套好呔，如果預 $4000 budget，頭呔可以用到$1300一條，尾就預$700，如果以相同budget，那麼整架車的戰鬥力，可以由$1000一條呔提升至$1300級數。無聊。
20 Feb 2006
買了一架腳車，終於可以將Coupe 升級至神級軍備以作聖戰之用。以後無需為保存Coupe的日常行走性而求其了事。此李代桃僵之計，就是希望將損耗集於Fiesta身上，盡量將Coupe 之名可完美地保存下來。雖然無Rally背景及不上Integrale的豪邁，雖然無落場戰跡比不上147的威風， 但她的浪漫更豈止希臘神話式的優雅。我相信她將會是一代快意經典，乃可一不可再之終極之作。我有機會接觸、領滙、將快意注入血液和16v turbo一同進化，是我的幸運。
31 Jan 2006
終於的起心肝跟正門喇叭無聲嘅問題。拆拆拆，發現條喇叭線內部斷路，外面亳無跡象，激死。換左後又好聲咁行得。
28 Jan 2006
發覺Coupe行了560km，可以盡入$790 油 57.8升，我唸佢差少少就拋鈾。每公里$1.36，10.3L/100km。
27 Jan 2006 84766miles
又一次換入OberonF333 15W-50機油，再加上F808 85W-90波箱油。就係因為用好多好野喺架Coupe度. 所以攪到唔想成日用。又有一大籍口買多架車用。
又一年