回主頁

不知甚麼原因，香港的駕駛者，對道路使用者手則沒有什麼理會。對快線的使用有一種偏好，鍾意一直坐住條快線，依道路限制速度前進。這些人只有被警察指埋路邊，解釋甚麼為 "除超越前車外，必須靠左行駛" 及罰$450外，否則不會理會他在阻住人揾食。

在香港人改變這駕駛習慣前，我就針對這現象，找出更有效使用道路的方法。

入隧道

好多人入隧道鍾意行快線，以為真係快。但我留意到這並不是理所當然。雖然慢線行貨車和巴士，唔會快得去邊，但因為很多時，快線比很多以為真係快嘅車用緊，所以唔係次次快線都可以快。當呆在快線比人塞住時，重會發覺慢線好暢通。揼心!

我發覺巴士司機和商用車司機，會避免阻住人揾食，自已知自已事，入隧道乖乖地慢慢行慢線。所以日間行隧道無得快。但晚間，商用車少了，巴士輕了，慢線變得無咁多車，加上行慣快線啲人繼續行快線，慢線就多數暢通無阻了。

所以我記住以下手則，等我可以行快啲。

双線隧道：日間行快線；夜間行慢線

三線隧道：日間行中線；夜間行慢線

依這方法選擇入隧道的行車線，你會有70%機會可以縮短20%隧道行駛時間。

希望你不要覺得我無聊，只不過我找方法去適應那些長期佔用快速行車線的人吧。

祝君安全駕駛