| 保養 | 維修網絡 | 維修指引 | 找零件 | 快意拯救隊 | 十年養車開支 | 燕梳 | 撞車善後研究 |
| 保養哲學 | 定期更換套件 | 保養提示器 |
保養要錢，唔保養又要幾錢呢?
我成日想保養架車好啲，等可以成日都揸得。因為架唔揸得，停係度都好貴架。牌費一年$5800，燕梳一年$2800，如果要比$2000停車場，等如每日$89。如果因為唔好好保養， 架車要成日留院觀察，即係每星期浪費緊$625！
點保養好呢?
要把Coupe保養得好，首要任務是要找到零件，第二便是要有可靠的維修人員，同時你亦須要定期的保養它。
很多人都覺得快意車係一架可以擁有一生的車，因為買咗就好難賣出。又有好多人寧願買德國車都唔要意大利車。其實有乜唔同？車，就係要保養；壞，就係要整。我就唔信德國車唔壞！而德國車因為出咗名，有嘢壞咪整得仲貴！
我是個固執的人，很固執地相信每架車、所有車的保養方法也是一樣。我要証明這一點給所有對快意沒信心的人。如我能掌握這快意，同樣亦能掌握 Porsche 和 Ferrari。今天的只是一個實驗。
養了這車快三年了，得知一結論。就是快意 Coupe 並不是不可靠，只是容忍度低。很可靠地，我每星期跑她三日，每次著車，她並不抱怨地一撻即著。我並不是好彩買了架好車，而只是很留意她的每一下變化，依據保養時間表對她作出調理，提早更換可能壞的零件，她便如時鐘一樣每天地工作。
快意在香港略有惡名，可能因為意大利人的汽車文化與香港有別，令沒有人喜歡維修他們的車。久而久之，街上車房對快意也敬而遠之。
而我相信只要找合有心的汽車維修員，平價的零件，依從定期檢查時間表，你的快意 Coupe 必定為你帶來驚喜和驕傲。
乜嘢喺定期維修?
每一件零件也有它的壽命，必須定期檢查它們的狀態，留意有沒有不正常或過度損耗。因為始終預防勝於治療，加上意大利車的容忍度較少，沒合適的調理 ，沒早期的觀察和預防，便易生脾氣。
|
Every 2 week 每兩星期 |
Check tyre pressure 檢查呔氣 |
|
Every 5,000 km 每5,000公里 |
Replace air filter, replace engine oil and oil filter, re-gap spark plugs, clean throttle butterfly and idle air valve, swap front and rear tyres 更換風格、偈油、偈油格；調校火咀間隙；清潔蝴蝶掩、怠速控制嘩佬；對掉前後呔 |
|
Every 10,000 km 每10,000公里 |
Replace spark plugs, bleed brake fluid, top up steering oil, check brake pads and discs, 更換火咀；迫力放氣；檢查頭尾迫力皮損耗程度；加注軚油 |
|
Every 20,000 km 每20,000公里 |
Replace gearbox oil, replace fuel filter 更換波箱油；更換電油格 |
|
Every 1 year 每一年 |
Replace windscreen wipers 更換水撥 |
|
Every 2 year 每兩年 |
Replace brake fluid, replace steering oil, replace coolant, replace battery, replace tyres 更換迫力油、軚油、水箱水、電池、呔 |
|
Every 50,000 km 每50,000公里 |
Replace timing belt and tensioners 更換時帶和所有襯轆 |
點解要定期做嗰啲嘢?
檢查呔氣 - 因為橡膠可滲透空氣，新呔兩三星期可以漏去0.1bar。因為呔氣對操控性有很大影嚮，Coupe 前輪用2.7bar(39psi) 後輪用2.4bar(34.8psi)；是較一般車用為高的呔氣。呔氣高，車會較跳，但轉彎變形較少。呔氣低，車會較舒適，但轉彎變形較多。如前輪呔氣低，轉向反應差(會推頭，易响呔)；如後輪呔氣低，轉彎會甩尾。
更換風格 - 風格有如吸塵機的格塵網，如果你屋企個吸塵機喺係街上吸5000 km嘅塵，你都想掉咗個格塵網啦。雖然5000km風格睇落唔污糟，但流量下降又睇唔出，但新嘅風格都只係$185，一年都只係3-4個，無乜所謂啦。風格流量過度下降會導致耗油量上升，引擎嘈，無力，油錢都唔止。如果用海綿風格，必須加上正確的油，切勿讓引擎吸塵。
更換偈油 - 偈油質素是很重要，長期使用高質素的偈油可令引擎長壽，當你80,000 km後難著車，大食偈油時又無力，你才後悔便太遲了。偈油大約5000km後變質，先兆為引擎會嘈，之後會導致耗油量上升。偈油必須用正貨，油站買的必定是正貨。切勿切勿切勿切勿用平價或非正貨偈油，否則引擎折壽，揾鬼可憐你。我用油站買的灰色桶 Mobil 1。Coupe引擎用5.6公升。
圖片雖然不清楚，但如在油站買的正貨偈油可在紅綫位置找到一行數字電碼。
更換偈油格 - 換偈油梗係換埋偈油格啦，$45一個之嘛。
啱16v turbo 用 TORA 油格，1266286-2，黑布街石記賣$45。我地唔好彩喇，(03年6月)石記已經執咗。
或著用BOSCH 0451102056，貴啲$80
調校火咀間隙 - 係一項較麻煩啲嘅步驟，自己做到就倣，否則10,000 km時索性把火咀換掉。火咀間隙太大會窒油，架車加速會"速吓速吓"。Coupe引擎的火咀適用0.8mm。順便睇吓火咀係咪黑墨墨，如果係，便代表電油不能完全燃燒，可能慢車太久，可能選擇火咀的度數太冷，並不適合你的溫柔駕駛模式，試改用熱火咀，keep住燃燒室温度。如果火咀係淺白乾爭爭的，可能選擇火咀的度數太熱，並不適合你的激烈駕駛模式，試改用冷火咀，減低燃燒室温度。
清潔蝴蝶掩、怠速控制嘩佬 - 因為引擎會由生氣喉番燒偈油氣，日積月累便會阻塞蝴蝶掩和怠速控制嘩佬讓空氣流過的細小通道，導至易死火，熱車難著和怠速𣎴定的問題。拆開蝴蝶掩前的膠喉，用injection cleaner 清潔一下。
對掉前後呔 - 頭呔損耗較快，由其是呔外側。將較多抓地力的呔放在前面，可減少此車推頭的慣性。而經常地對掉，頭尾呔的抓地力便不會相距太遠，而四條呔亦可平均地損耗，非常有效益，無嘥。
迫力放氣 - 迫力油是會很吸水的，空氣中的水份被慢慢吸收。迫力油中水份多了，使用迫力產生的熱力令水份蒸發，造成一層氣隔，令迫力反應變弱，危險得很，必須定期放氣。
檢查頭尾迫力皮損耗程度 - 迫力是最值得多留意的部份。有很多時，迫力皮內外損耗不同，只從外觀察末必能知道全套迫力皮的大限。拆下輪呔，可順便用迫力清潔劑狂噴迫力，去除迫力粉，有助防止响聲出現和避免積住迫力卡鉗。
加注軚油 - 滲油係正常，一日兩三滴好平常啫。漏到一大灘先整啦。10,000 km咪加滿個軚壼等佢再滲過囉。
更換波箱油 - 好似軚油和偈油，滲油係正常，20,000 km總有D滲咗去。成日轉嘅嘢，換咗咪易D入波，靜D。千其要用適合的波箱油80W就OK。否則冬天好難入波。
更換電油格 - 香港D電油都幾乾淨，20,000 km先換都OK。如果污糟得濟，架車會窒油，嗆吓嗆吓。
更換水撥 - 水撥 唔清，落雨就頭赤。就算你唔用佢，因為太陽晒，D膠都會硬化，自然唔貼玻璃啦，點括水呀? 如果你用佢，塊來撥片上用作潤滑的石墨耗盡，水撥咪跳吓跳吓囉。Bosch Twin 531水撥，一套兩支 (右邊530mm，左邊450mm) ，旺角中旅社側興業有得賣$95。
更換迫力油 - 之前講過迫力油是會很吸水的，吸了兩年水，都係時候換清佢。
更換軚油 - 軚牙內磨擦零件雖然較少，但一定有，唔多唔少嘅損耗，廢物便令軚油污糟，兩年都係時候換清佢。
更換水箱水 - 水箱水兩年差不多開始變質，為避免水路內部生銹，兩年又係時候換清佢。
更換電池 - 電池第二年開始隨時失效，差唔入，唔夠力著車。如果係街著唔到車好瘀嘛，又或者一星期無用車，一撻又著唔到，出唔到街，仲要叫的士好麻煩。電池兩年就換啦。
更換呔 - 呔，日行夜行，就算唔餂，日曬雨淋，紫外光和水，令橡膠褪化，從而變硬，出現裂紋。現象漏氣快、易响呔、唔咬地和嘈。為確保有足夠抓地力作煞車用，兩年就算未餂晒也須更換。
更換時帶和所有襯轆 - 雖然廠話100,000 km先要換，但經驗之談，Cam帶，水泵，所有皮帶和襯轆，任何一樣卡住， 會連累斷cam帶，因後果嚴重，一次過換晒佢。斷cam帶可令活塞撞斷嘩佬，斷咗嘅嘩佬打爛氣缸套，卡住活塞令連桿折斷。簡單啲，即係斷cam帶後果會好貴，必須事前更換。
我利用Excel設計了一個保養提示 器，讓大家可以依時依候去做適當的維修。我亦利用自己架Coupe的資料作樣本。保養提示器內提及的項目全部也在上文有述，幔慢使用吧。
誰是有心人?
就是尊重整車的維修員，並不是將整車當作返工的人，其實只要仔細小心，肯動腦，沒有車是整不好的。可能在香港別人看不起車房仔，但看到這網頁的車房仔，你並不要看不起自已的職業。雖然汽車維修未必能令你致富，但並不等於你不可以在汽車維修界中成為皇牌 mechanic。
話說回頭，切勿把愛車交給不願維修她的維修員手中，遇到那些彈三彈四，又話無得整，又話無零件的人便算吧，再找另一個有心人吧。我們 Coupe club 的成員幾年來，也找到好幾個有心人呢。
清潔
我很注重 Coupe 的外觀，所以很常清車打臘和清潔內籠，盡量令她靚仔。
這是積架專用的皮臘Jaguar Hide Food，令皮櫈和皮軚環回復天然柔軟和黏力。激走時令身體黏在椅上和右手不需緊握軚環。不過成$120，但可以用好耐。
這兩樣也是Soft 99 的產品。左邊純水沒有泡沫，清洗方便，而綠色純水是專為白色和淺色車而設，旺角賣$28。右邊軟膏臘，亦是專為鮮色車而設，發覺很反光，但保存幼滑度不是太持久，約三星期。這一罐軟膏臘可用三四次，旺角賣$58。
但我亦不斷嘗試不同清潔和軟膏臘，Sonax的shampoo也很好，旺角賣$38。 仲有吸水布送。
這是去除粒粒的神奇泥膠，濕了車身，細心地在漆面打圈，泥膠以不磨損漆油面而只黐走粒粒，輕易過打臘而效果奇佳，極力推介。旺角賣$48，可用多次，有分深淺色。
Rain X 是出名跣水的產品。搽上頭玻璃後，落雨行車，約40km/hr以上可令雨點順氣流吹走。效果可持續兩星期，旺角賣$68。
睇吓效果 搽上Rain X落雨行車可以唔用水撥。